Somos Paisaxe | Participa no deseño da Paisaxe de Galicia
 

Participa no deseño da Paisaxe de Galicia

Fai a túa contribución ao Catálogo das Paisaxes de Galicia

O Instituto de Estudos do Territorio da Consellería de Medio Ambiente, Territorio e Infraestruturas da Xunta de Galicia aposta pola participación pública na elaboración do Catálogo das Paisaxes de Galicia.

Esta iniciativa xorde da profunda convicción de que nin os maiores expertos en paisaxe coñecen tan ben o territorio e todas as paisaxes galegas como as persoas que os habitan. Resulta fundamental contar coa poboación nos procesos de toma de decisións sobre a nosa paisaxe e o noso territorio desde as primeiras etapas. Ésta é unha boa oportunidade para te implicar coa Paisaxe Galega desde esta fase de elaboración do Catalogo das Paisaxes de Galicia.

Precisamos da túa axuda, para que nos aportes o teu coñecemento do territorio e das túas paisaxes cotiás e nos deas a túa opinión acerca das mesmas.

O que precisamos que fagas

identifica as túas paisaxes preferidas

Establece os valores das túas paisaxes cotiás

Sinala paisaxes que deberían ser recuperadas

Como podes participar?

Ven aos talleres

12 sesións de traballo. Unha por Grande Área Paisaxística. Podes ver o mapa máis abaixo. Polo xeral terán lugar os sábados pola mañá (consultar excepcións) a partirse das 1030h.  Despois dunha breve contextualización traballarase na identificación das preferencias paisaxísticas individuáis até ás 1130h que se fará unha pausa-café. Retomará a sesión trabajando con valores paisaxísticos e finalmente identificaranse áreas degradadas, rematando sempre a tempo para volver comer á casa. O traballo realizado nestes talleres pasará a formar parte dos contidos do Catálogo das Paisaxes de Galicia.

Descargar presentación pdf (en breve)

Máis información e inscripcións para participar nos talleres no email atlaspaisaxe.iet@xunta.es ou por teléfono nos números 981541755/6

Os talleres

Galicia CentralSantiago de Compostela, 10 de Setembro.

Galicia StentrionalAs Pontes, 12 de Setembro.

Chairas e Fosas OccidentaisCarballo, 19 de Setembro.

Chairas e Fosas LuguesasLugo, 26 de Setembro.

A Mariña/Baixo EoBurela, 3 de Outubro.

Serras OrientaisBecerrea, 10 de Outubro.

Serras SurorientaisViana do Bolo, 14 de Outubro.

Ribeiras Encaixadas do Miño e SilOurense, 17 de Outubro.

Chairas e Fosas OurensásXinzo de Limia, 21 de Outubro.

Costa Sur/Baixo MiñoPonteareas, 24 de Outubro.

Rías BaixasVigo, 28 de Outubro.

Golfo ÁrtabroA Coruña, 31 de Outubro.

Vía web

1. Rexístrate en http://sixot.es/CatalogosPaisaxe

2. Sinala no mapa: as túas paisaxes preferidas, os valores das paisaxes e as paisaxes que deberían ser recuperadas.

3. Os puntos que tes compartido forman parte do proceso de elaboración do Catálogo das Paisaxes de Galicia.

Mapa das Grandes Áreas e as Comarcas Paisaxísticas

Uso de cookies

Este sitio web utiliza cookies para que teñas e mellor experiencia de uso e navegación. Se continúas a navegar das o teu consentimento para a aceptación das mencionadas cookies e a aceptación da nosa política de cookies, fai click no enlace para máis información. ACEPTAR