A paisaxe é cousa de todos, así que no marco de traballo a prol dunha Estratexia para as Paisaxes de Galicia, a implicación e a integración de todos os axentes xoga un papel definitivo para unha xestión colectiva e corresponsable. Desde unha perspectiva amplia, a participación debe ser un aspecto máis ao servizo dun obxectivo maior como é a implicación da poboación na planificación e xestión dos activos colectivos, concretamente neste caso: a paisaxe.
Proceso de implicación
Un proceso para nos implicar como sociedade na xestión da paisaxeSomos Paisaxe trata de contribuír a crear consciencia sobre a importancia dos retos que temos que afrontar desde a paisaxe como elemento estratéxico de competitividade. Desta maneira a poboación esterá máis preparada para participar nos procesos administrativos, cando así se requira, e tamén para a toma proactiva de decisións con efectos directos sobre a xestión da paisaxe.
Para conseguir esta implicación baseámonos nun proceso de tres etapas claramente diferenciadas e cun marcado carácter secuencial xa que saltar algunha delas pode resultar na nula utilidade das seguintes: coñecer, comprender e actuar.
Unha proposta para nos achegar á implicación
Coñecer
Achegamento aos elementos que compoñen as paisaxes.
Comprender
O sistema coas súas dinámicas, procesos e relacións.
Actuar
A mostra do compromiso coas paisaxes galegas.
A paisaxe é cousa de todos e como tal, a consideración e a implicación das persoas xoga un papel definitivo cara crear consciencia sobre a importancia deos retos que temos que afrontar desde a paisaxe como elemento estratéxico de competitividade.
Para conseguir esta implicación traballamos nun proceso con tres etapas claramente diferenciadas que teñen un marcado carácter secuencial xa que pasar algunha delas pode resultar na nula utilidade de todo o proceso: coñecer, comprender e actuar.
Coñecer
O obxectivo desta primeira etapa é achegar o obxecto de traballo á poboación de forma que se poidan visualizar a paisaxe como un activo valioso e por tanto, buscando a complicidade na súa planificación e xestión desde unha perspectiva global, pero tamén desde as decisións e accións individuais.
Comprender
Comprender os procesos socio-ecolóxicos que teñen configurado as paisaxes require dunha base de formación técnica que dote á poboación da capacidade crítica necesaria para avanzar neste proceso de implicación.
Actuar
Chegados a este punto no que temos preparación para adoptar unha actitude proactiva, é preciso deseñar os espazos que permitan canalizar as nuevas capacidades.