13 Nov #eusonpaisaxe
#eusonpaisaxe é unha iniciativa da Fundación Galicia Sustentable no marco do proxecto Somos Paisaxe que quere provocar nas persoas participantes unha reflexión acerca da súa capacidade de intervir sobre a paisaxe ao ser parte dela.
Para isto crea o hashtag #eusonpaisaxe. Trátase de que subas a Instagram momentos nos que se capte a esencia de que as persoas estamos inmersas na paisaxe, ben sexa por desfrutala, ou polos efectos que o noso estilo de vida provoca na mesma, ben positivos ou negativos.
#eusonpaisaxe pretende recuperar a conexión da actividade humana co medio que a acolle a través de fotografías que inspiren reflexións nesta liña.